တဒေါ်လာ ၆ ကျပ် ပုံသေထားမိလို့ ဆင်းပေးလိုက်ရတဲ့ ဦးနေဝင်းနဲ့ ဇက်ကြိုးတပ်မရတဲ့ ငွေကြေး

တဒေါ်လာ ၆ ကျပ် ပုံသေထားမိလို့ ဆင်းပေးလိုက်ရတဲ့ ဦးနေဝင်းနဲ့ ဇက်ကြိုးတပ်မရတဲ့ ငွေကြေး

ငွေကြေးဆိုတာက ထိန်းချုပ်လို့ မရတဲ့သဘောရှိတယ်။ တကမ္ဘာလုံးမှာ အခုသုံးနေကြတဲ့ ငွေတွေရဲ့ တန်ဖိုးက ဘယ်လိုမှကို အမိန့်အာဏာနဲ့ ထိန်းချုပ်လို့ မရဘူး။ သူ့တန်ဖိုးအမှန်အတိုင်းပဲ သူ့အလိုလို ရောက်သွားတာ။ ငွေကြေးရဲ့သဘောကို မြင်သာအောင် ဥပမာ ပြပါမယ်။

အိမ်တအိမ်မှာ ညီအကို ၁၀ယောက် နေတယ် ဆိုပါတော့ သူတို့မှာ မိဘအမွေ ရွှေ ၁၀သား ရှိတယ် အားလုံးစုပေါင်းပိုင်ဆိုင်တယ်။ ဒါကို အလွယ်တကူ အချင်းချင်း လှည့်လည်လို့ရအောင် ကူပွန် ၁၀ခု လုပ်ပြီး တယောက်တခုစီ ယူထားတယ်။ အဲဒီ ကူပွန် တခုစီက ရွှေ ၁ကျပ်သားနဲ့ ညီမျှတယ်လို့ သဘောတူထားကြတယ်။ အပြင်ကလူတွေကိုလည်း ဒီအကြောင်း ပြောထားတာကြောင့် ရပ်ကွက်ကလည်း လက်ခံတယ်။ သူတို့မှာ ရွှေ ၁၀သား ရှိနေမှန်း သိကြတယ်။

အဲဒီလိုနဲ့ တချိန်မှာ အိမ်ထောင်ပြုလိုက်ကြတာ လူ ၂၀ ဖြစ်သွားတယ်။ အဲဒီအခါ လူတိုင်း အဆင်ပြေအောင် ဆိုပြီး ကူပွန် ၁၀ခု ထပ်လုပ်ပြီး မိန်းမတွေကို ထပ်ပေးလိုက်တယ် ။ ရွှေက ၁၀သား၊ ကူပွန်က ၂၀ ၊အဲဒီအချိန်မှာ ကူပွန် ၁ ခုဟာ ရွှေငါးမူးသားပဲ ဖြစ်သွားပြီ ၊ကူပွန် ၁ခုရဲ့တန်ဘိုးက မူလအတိုင်း ရွှေ ၁ကျပ်သားပါပဲလို့ သူတို့ ဘယ်လို ပြောပြော လူတွေက လက်မခံတော့ဘူး။

ဒါက ငွေကြေးဖောင်းပွမှု Inflation ကို အလွယ်ဆုံး ဥပမာ ပေးတာပါ ။ကျောထောက်နောက်ခံ ဥစ္စာဓန (Wealth ) မရှိဘဲ ငွေစက္ကူတွေ ရိုက်ထုတ်တာ အဲဒီသဘောပါပဲ။ တချိန်မှာ သူတို့တွေ တနည်းနည်းနဲ့ အမွေထပ်ရလို့ဖြစ်စေ ဝင်ငွေကောင်းလာလို့ဖြစ်စေ နောက်ထပ် ရွှေ ၁၀သား ထပ်စုမိလာတဲ့ အချိန်မှာတော့ ကူပွန် ၁ ခုရဲ့ တန်ဘိုးဟာ ရွှေ ၁ကျပ်သား ပြန်ြ